Ф.304/I №14. Пандекты Никона Черногорца
- Рубрика: Рукописи пергаменные. Каноническое право
- Дата: ХІV в.
- Кол-во листов: 263 л.
- Примечания: Часть 1-я, (ч. 2-я, на бумаге под № 210), полуустав в два столбца, в лист, первые 15 л. написаны в ХVІ веке.
Никон, монах Раифской пустыни в Палестине, жил во второй половине ХІ века и составил две каноническия книги Пандекты и Тактикон; обе изданы в Почаеве 1795 года.
л. 1 об. Предсловие настоящаго съчетаниа.
л. 2 об. Никона мниха изложение, от посланиа еже к игумену церкве св. Сумеона чюдотворца кур Петру, от слова 39 (см. в Тактиконе № 211). В конце Образ святыя веры, изложен на пръвом Съборе.
л. 8. Събрание книгы сея, сиречь Синаксарь, имея сказание коегождо слова на уведение чтущим. Оглавление 36 слов, составляющих первую часть книги Пандектов.
л. 15 об. Заглавие: Книга богодохновенна, събрана и съписанна от многых и различных божествъных книг, Ветхаго якоже рещи Завета и Новаго, препод. отцем нашим Никоном, живущим в глаголемей Чрьней горе, наставлеющи и поспешьствующи подвизающихся на всяко дело духовное.
Слово 1. содержая о вещи сказанием книгы сия. Нач. Сиа книга Господня убо Заповедий сих сказаниа преимать, съприличныя и споследующа Отечьскым учением.
л. 18 об. Слово 2. Предисловие книгы и сказание божественым заповедем Господним, имея въкратце вся вещи книгы сея, и яко от еже не ведети нам божествная писания впадаем в сети дьяволя, и проч. Нач. Понеже глаголеть нам божествный Златоуст, ниже требовати яже от писмен помощи.
л. 34. Слово 3. Сказание божественым заповедемь Господнимь вкратце, от Иоана Златаустаго и иных св. и богоносн. Отец главизны приличны в тех сказаниих, и яко иже добродетели ради стражют от человек с блажен есть, и иже за самое то зло страждай всеокаанен есть, и проч. Нач. Начат Исус проповедати и глаголати: покайтеся, приближибося царство небесное.
л. 38. Слово 4. О отвержени мира, и яко зло есть еже к вреду бываемое приобщение и болшее есть таковым не сбиратися, и яко бедно есть еже нерасудно постризати жену и дети имущих, или инако некако неустаненно и несмотреливо постризати некыя, и проч. Нач. Да не мните, яко приидох вложити мир на земли, не приидох вложити мир, но ножь.
л. 51. Слово 5. О отречени рабом приходящим ко иночьскому житию, и яко иже без разъсужения таковых, паче божественых писаний, или без воля своих владык приемлють и постризають, а не паче своим господомь благоразумно работати наказующе, и проч. Нач. С убо Филимон, чюдный мужь сый, отрока некоего имаше, именен Онисима.
л. 52 об. Слово 6. О ошествующих от братии, и яко иже плотьскаго покоя ради, или успеха ради некоего мирьскаго отходяй от братии, зело отметнут от Бога есть и отметник своего обещанья есть, и проч. Нач. Иже убо единою друг другу исповедавшеся, юже вкупе жизнь устанено держати, ошествовати немощно.
л. 58 об. Слово 7. О различени съблазн, и яко творящаго заповеди Божия или преданиа св. Отець, аще и съблажняются от сих неции, не подобает деланиа оставляти соблажняющихся ради, или ино что о таковых пещися о соблажняющихся, и проч. Нач. Горе мирови от соблазн, нужа бо есть приити соблазном, горе же человеку оному, имже соблазна приходить.
л. 63. Слово 8. О различьи учителей и яко страшно осужение учителя, аще паче заповедей Господних учить, аще и нами мала заповедь видиться, и яко яже учителемь глаголемая от божественых писаний приимати подобаеть, своя же их никакоже их, никако. Нач. Вы есте соль земли, аще же соль обуяеть, чим осолится, ни в чемже потребна есть к тому, точию изметнутися вон.
л. 74. Слово 9. О различии гнева и ярости благословнемь же и безъсловеснемь, и яко не всегда еже не гневатися не ползуеть нам, но егда призываеть время, егда же виною кротости впадаем в сети сатанины и отлучаемся от Бога, тогда праведному да поимемся гневу, и проч. Нач. Слышасте, яко речено бысть древним: не убьеши, иже бо аще убьеть, повинен есть суду.
л. 77 об. Слово 10. О укоризне и всякой досаде и празднословьи, и яко не тъчию убийства ради, и любодейства, и блуда, и ина такова грехопаданий, в геону впаднути имамы, но и клеветания ради и таковыми явленными нами худыми досадами, и проч. Нач. Иже аще речет брату своему ракъка, повинен есть сонму.
л. 83. Слово 11. О еже смирятися с ближними и яко многими образми обаче елико есть по нас творити смирения, а не простымь образомь творимь вещь, и яко еже по Бозе опечалити кого, спасению есть ходатай и не повинен есть опечаливый, опечаливыйжеся исповедатися подобаеть и исправлятися. Нач. Аще принесеши дар твой к жертвенику и ту помянеши, яко брат твой имать что на тя, остави дар свой пред жертвеником.
л. 86. Слово 12. О сложени блуда и свойств его, и яко еже бестудно блюсти жены и беседовати с ними, и мноземи иными винами находять на нас страсти, и проч. Нач. Слышасте, яко речено бысть древним: не прелюбы створиши, аз же глаголю вам, яко всяк възревый на жену с похотью, уже прелюбы сътвори с нею в сердци своемь.
л. 95. Слово 13. О любодеяни и блуде, и яко не подобаеть мужю оставляти свою жену кроме словеси любодейнаго, и яко мужь блудящю жену отпущает, ащели же не пустить ю, подлежить греху, и проч. Нач. Слышасте, яко речено бысть: иже аще пустить жену свою, да дасть ей книгы распустныя; аз же глаголю вам, иже аще пустить жену свою кроме словеси любодейнаго, творить ю любодеяти.
л. 102. Слово 14. О клятве и различьи лъжи, и яко клятвопреступление и лъжя по правому слову бываеть, внегда съставити нам клятву или истину, отлучаемся от Бога, и проч. Нач. Слышасте, яко речено бысть древним: не во лжю кленешися, въздаси же Господеви клятвы твоя; аз же глаголю вам, не клянитеся отнудь.
л. 107. Слово 15. О незлобьи и непристрастьи, и яко не подобаеть воздаяти зло за зло и еже благотворити оклеветающиих се християнину свойствено есть, и проч. Нач. Слышасте, яко речено бысть древним: око за око и зуб за зуб, – аз же глаголю вам, не противитеся злу.
л. 121 об. Слово 16. О незлоби и простоте, и яко незлобье есть еже ни о чемь зло помышляти, но мудрым нам быти в благое, и яко добро есть коварьство, егда на благое кто сие творить, и яко таковое коварьство мудрость и благое строение глаголеться, егда же не имамы, в многая зла впадаем. Нач. Аще не обратитеся и будете яко отроча се, не имате внити в царство небесное.
л. 125 об. Слово 17. О послушани и яко не подобает приимати имя послушания безъсловесне, еже послушати дьяволу, но внимати опасно божественыим писанием и видети, кое есть послушание Божие, кое ли есть бесовьско, и яко две послушани суть, якоже рекохом, и аще не вънимаем, впадати имамы в дьявольскыя сети. Нач. Аще кто поиметь тя поприще едино по силе, иди с ним две.
л. 133 об. Слово 18. О своих волях и о чюжих, и кая воля есть блага и кая спротивнаго, и яко яже по телесному покою бываемая наша хотенья суть, и яже не тако, но по воли божествных писаний, сия суть Божия, и проч. Нач. Не могу аз о себе творити ничтоже, якоже слыша сужу и суд мой праведен есть, яко не ищю воля моя, но воля пославшаго мя Отца.
л. 140 об. Слово 19. О блазей воли, и яко творящаго ту невъзможно есть преходити кроме скорби, и яко егда с усердиемь сии проходить, не ощющает таковый скорби, егда же истынеть усердие, тогда и скорби ощющаеть, и проч. Нач. Еже преже разсужати благое хотение, желающаго есть, а еже свершити избрание благому хотению, се Божие есть.
л. 142 об. Слово 20. О милостыни, и како подобаеть подаания творити, и яко не подобаеть неимущаго ничтоже, ради еже творити милостыню пещися о имених или о брашне, но точию подаати яже у него обретаемая, и проч. Нач. Просящему ти дай и хотящему от тебе взаем взяти да не отвратишися.
л. 155 об. Слово 21. О том, яко уне есть нищим расточити имения своя, неже приносити сия в церквах и украшати их, и яко едина точию потребная приносити подобаеть в церьквах, а прочая раздаяти нищим, и проч. Нач. Исусу же бывшу в Вифании в дому Симона прокаженаго, прииде к нему жена имущи стькляницю мира многоценнаго.
л. 161. Слово 22. О творящих милостыня от неправды, а не по правде, яко не точию Бога немилостива творят, но и раздражають, яко аще и церкви или монастыря зижють от неправды, тогоже подлежат осужения, и яко створивый монастырь епископу сущему на месте подобает предати всяку область, и не творяй сице церковных запрещений подлежит. Нач. Створите себе другы от мамоны неправеднаго, яко да приимуть вы в кровы вечныя.
л. 166 об. Слово 23. О том, яко аще образом еже нищиим даяти богатыим имания расточати кто, не съгрешает да иже и нищу быти, и яко есть ин путь многажды свершенным и милостивым, егда видит нища и немощна и не могуща того отпустити празна, никакоже свое имуще, и проч. Нач. Блаженый Иоан Милостивый с всеми инеми благыими, ихже стяжа, имеяше и се, глаголю еже в худой постельници спати и ветъхая покрывала в своей келии имати.
л. 171 об. Слово 24. О любви и человеколюбии, и како подобаеть любити ближняго, яко не по человечьскому угожению подобаеть любити ближняго, но по образу еже к Богу угожению на ползу комуждо, и проч. Нач. Слышасте, яко речено бысть: възлюбиши ближняго своего, възненавидиши врага своего, аз же глаголю вам, любите врагы ваша.
л. 177 об. Слово 25. Яко не подобаеть зло творити или ненавидети какова любо человека, или нечтива, или еретика, или елина, или всякаго грешнаго, егда не приводит время и не имам от них какова душевнаго вреда, о сем убо Богу подобимся, и проч. Нач. Пришедше же раби (к) владыку, рекоша ему: Господи, не добро ли семя сеял еси на селе своем, откуду убо имать плевелы?
л. 180 об. Слово 26. О том, како подобаеть молитися о нечестивых, еретикох же и еллинох и всех грешных, и не проклинати их, се бо творяще себе ползуем и Богу подобимся, яко о еретицех умершиих не молитися, и проч. Нач. Моляся убо преже всего творити молитвы, моления, благодарения за вся человекы, за царя и за вся сущая в власти.
л. 184 об. Слово 27. О том, еже како подобаеть творити милостыня и не трубити пред собою, якоже лицемери, и яко уне есть благотворити кому, аще и несвершен бысть, но и еще тъщеславием влечется, нежели небрещи о своем спасении, и проч. Нач. Блюдете милостыня ваша, не творите пред человекы, еже видетися ими.
л. 187 об. Слово 28. О молитве, како подобаеть молитися, и яко трезвящемуся подобно есть на всяко время и на всяком месте и на всяком деле всегда непрестанно молитися, внегда вся, елика аще творит, по Бозе та творить, и проч. Нач. Егда молитеся, не будите яко лицемери, яко любят на сънмищех и в стьгнах и распутьях стояще молитися; аминь глаголю вам, яко въсприимут мьзду свою.
л. 192 об. Слово 29. Образ молитвы и житье ошелник, и яко неприличьна суть ошелником яже в церкви бываемая пенья, или гласове, или тропари, или прокимены, и яко кроме рукоположенья такова начинаяй, подлежить запрещенью. Нач. Некий иногда ошелник въпроси великаго Варсунофья, глаголя: како подобаеть пребывати сущиим наедине?
л. 204 об. Слово 30. Образ молитвы с петьемь иже в дружине сущим и пребывания иже в церквах сбирающимся, и яко неприлична суть иже в церквах сбираемым ошелничьская деяти, якоже ни ошелником яже сих, но по праведному слову пенье творити, и проч. Нач. Молитвы творите утреняя, и третьяго часа и шестаго и девятаго и вечер и в пятлоглашение.
л. 210. Слово 31. О иже с молитвою в путь ходящих или во ином каковемь любо искушеньи, яко не подобаеть надеятися на молитву тъчию и небрегуще пребывати, аще и свят есть о нем моляйся, но и от себе всяко вносити тщанье, и яко подобаеть искушенья отбегати, егда беда душевная от него чается быти, и проч. Нач. Великий Варсунофие рече, яко о преданьи, рекше молитве, аще кто прииметь преданье посылаемь некамо, и попущеньем Божиим в искушенье впадет.
л. 216. Слово 32. Иже молитву (от) инех ища, сам же не прилежа, ничтоже ползуеть, аще и свят есть моляйся о нем, и яко ни от св. крещения ползуются, иже не добре по достоинъству живущии, темже образом и иноци не ползуются, аще не по достоинству образа жительствують, и проч. Нач. Много бо можеть молитва праведнаго поспешьствуема.
л. 232. Слово 33. О человекоугодьи и лицемерьи, и яко недостоит подвизатися за еже человекомь угажати, но Богу, и яко разум ищеть Бог, Его ли ради, или человек ради, делаеши, и проч. Нач. Егда же поститеся, не будете яко лицемери сетующе, просмражають бо лица своя, яко да явятся человеком постящеся.
л. 236. Слово 34. О нестяжаньи, и яко еже упражнятися в повеленьих Божьих несть паренье бесловесно, но тъщанье о Господи, и яко иночьское жительство совершеннаго нестяжательства имать обетованье, и проч. Нач. Повыше убо яко миловати достоить глаголаше, здеже и колико миловати потребно есть.
л. 242. Слово 35. Яко неподобаеть учителю любоименну быти, но якоже туне прият божественнаго Духа благодать, туне и да подаваеть, и яко от ученик требуеть в нужныих своих потребах питатися и не лиха искати, и проч. Нач. Призвав Исус обанадесять ученик своих дасть им власть на духи нечистыя, яко изгонити их и целити всяк недуг.
л. 253. Слово 36. Яко вредно есть съвокупление инокых с миряны, и яко не все даваемая нам от неких любве ради от Бога суть, но от съпротивнаго на льщение и прелесть нашю, и проч. Нач. Рече св. Исаия, яко седящю ми некогда близь св. Макарья, придоша седмь братий от Александрия, искушающе его.
На первых листах крупным полууставом ХVIІ века: Книга 1 Никон Живоначалныя Троицы Сергиева монастыря, да никто же никако же не покусится отделити ея от того монастыря
Скачать рукопись целиком в формате PDF (201 Мбайт)